| 16. nóv. 2007 |
| Nafnlaus amma |
Súrasta frétt fimmtudagsins, ef ekki vikunnar, ef ekki ársins, hlýtur að vera frétt Tuttuguogfjögurrastunda um nafnlausa ömmu sem talar um nafnlaust barnabarn í ónefndum skóla.
Á blaðsíðu tvö í gær mátti lesa frétt með fyrirsögninni: Mannréttindabrot segir amma.
Í fréttinni sjálfri segir að amma nokkur hafi haft samband við Tuttuguogfjórarstundir og sagt frá því að barnabarn sitt hafi verið neytt til þess að taka lyf við athyglisbresti í viðurvist skólafélaga. Fullyrt er að drengnum hafi tvívegis verið bannað að koma í skólann í uppundir þrjár vikur þegar lyfseðill vegna ofvirknilyfja barst ekki í apótekið í tæka tíð fyrir skólasetningu.
Engin amma er nafngreind fyrir þeim beinu tilvitnunum í hana sem birtast í Tuttuguogfjórumstundum. Skólinn er sömuleiðis stikkfrír. Hvorki er hann nefndur né fær hann tækifæri til að svara fyrir sig.
Nú vinn ég á dagblaði og fæ daglega fjölda athugasemda sem eiga ekki við nein rök að styðjast. Því furða ég mig mikið á þessum fréttaflutningi Tuttuguogfjögurrastunda. Grundvallarspurningin hlýtur að vera: Hvaða skóli er þetta?
Eða er þetta bara sögusögn sem þeir birta án nokkurrar athugunar? |
| posted by ErlaHlyns @ 00:43 |
|
|
|
|
| Hér skrifar: |
|
Erla Hlynsdóttir
Móðir, kona, meyja og allt það
|
| Nýjustu færslur: |
|
| Lífið: |
|
„Well behaved women seldom make history“
- Laurel Thatcher Ulrich |
| Tenglar: |
|
|
| Orð: |
|
Þegar ég byrjaði að blogga fyrir um áratug nefndi ég bloggið mitt: „Hugleiðingar ungrar konu í leit að framtíð.“
Nú er ég orðin eldri og framtíðin skýrari. Það sem eftir stendur eru því: „Hugleiðingar konu.“
erlahlyns hjá gmail púnktur is
|
 |
|
