Hér má því sjá nýtt blogg.
Ég ætla að leggja mig fram við að finna fína mynd þar með hverri færslu en því miður hef ég týnt snúrunni til að færa myndir úr Panasonic-vélinni minni *hint*hint* yfir í tölvuna. Aðfengnar myndir verða því að duga. Í bili hið minnsta.
Og fyrst að ég er byrjuð að skrifa er rétt að taka fram að ég vonast til að sjá ÞIG á Jafnréttisþingi á morgun.
„Það er einungis sanngjarnt að halda því á lofti að íslenskt tónlistarlíf og íslensk þjóð hefur mjög lengi saknað tónlistarhúss. Nú er það loks í uppsiglingu, en þá eru allir svo uppteknir af því að leysa fjárhagsvanda þjóðarinnar að þeir hafa glatað sýna á heildarmyndina.“
Ég segi það með Ólafi. Hvað er fólk að pæla, að einbeita sér að því að leysa fjárhagsvanda þjóðarinnar þegar hægt er að byggja upp tónlistarhús með glerskreytingu eftir yfirritaðan?
Síðan komst ég að þeirri niðurstöðu að það væri ekki óhætt.
4 álit:
Hörður Torfason hefði örugglega farið að pirra sig á hollningunni á þér. Hann telur sig eiga að ráða hvernig mótmælendur eru klæddir.
By 
ÞG, at
3/1/09 21:47
Hörður hefði skammað þig, hann skammaðist út í alla sem mótmæla með trefil fyrir andlitinu.
By 
baun, at
3/1/09 21:48
hei, við Þórdís kommentuðum samtímis.
By baun, at
3/1/09 21:49
ÞG og baun: Magnað. Algjörlega magnað. Þið hugsuðuð það sama og skrifuðuð það sama, á sama tíma á sömu síðuna.
By ErlaHlyns, at
4/1/09 23:18
Jú, þetta sagði ég víst við John Henley, blaðamann breska Guardian, rétt um miðjan október þegar við hittumst fyrir utan Iðnó.
Ég man svo innilega eftir þessum dögum. Á hverjum einasta morgni hugsaði ég með mér: Hvaða risafréttir fáum við í dag? Hvernig getur þetta eiginlega orðið verra?
Ég bankaði upp á hjá vitlausu fólki og rétta fólkið hélt að það væri ég sem misst hefði vitið.
2 álit:
Bara gert af einskærri illkvittni til að rugla ungar blaðakonur á leið í heimsókn...
By Björg, at
30/12/08 17:14
Björg: Þetta lyktar allavega af einhvers konar samsæri.
By ErlaHlyns, at
31/12/08 17:16
Aðfangadagskvöldi eyði ég hjá bróður mínum sem býður upp á ýmsa smárétti. Þetta eru sumsé fyrstu jólin mín þar sem ekki er boðið upp á hamborgarhrygg. Seinni helming ævinnar hef ég reyndar ekki borðað hann heldur ýmist bara meðlætið, hnetusteik eða humar. Smáréttir á aðfangadagskvöld eru nýmæli.
Vonandi færð þú jafn góðan jólamat og ég.
Ég óska þér og þínum gleðilegra jóla. Hafðu það sem allra best yfir hátíðina.
3 álit:
Gleðilega rest!
By Harpa J, at
29/12/08 17:17
Já, gleðilega rest héðan líka :)
By 
hildigunnur, at
30/12/08 16:55
Takk fyrir, Harpa og Hildigunnur. Sömuleiðis.
By ErlaHlyns, at
31/12/08 17:16
Þessa orðsendingu rakst ég á við einn afgreiðslukassa Vínbúðarinnar í Kringlunni. Eins gott að ég gaf engum gjafabréf í jólagjöf.
Reyndar skilst mér að gjafabréf séu svolítið tvöþúsundogsjö. Hvenær fer næsta búð á hausinn?
Á morgun er ljótupeysudagur í vinnunni. Ég stóðst því ekki freistinguna í dag og hvíslaði að nokkrum: „Þetta er ekki fyrr en á morgun!“
3 álit:
Kæra Erla
Ég var á flugvelli stuttu fyrir efnahagshrunið og sá þar í verslun til sölu bleika angórupeysu. Mér var hugsað til klæðskiptingsins Ed Wood en hann var svo mjög veikur fyrir bleiku angórunni. Ég hugsaði hvernig það hefði verið fyrir hann að vera uppi nú á dögum. Því þetta var í herrafatabúð. Eflaust hefði einhvejum þótt þessi peysa ljót. Hún var dálítið bold. En ég keypti hana ekki. Hún var á yfir 20.000 kall. Og það á útsölu. Og n.b. rétt fyrir hrunið... Til þess að vera ekki of mikill furðufugl hefði ég líklega aldrei gengið í henni nema á hinum alþjóðlega ljótapeysudegi sem er aðfangadagur. (Peysan var náttúrulega mjög hlý og fáranlega þægileg viðkomu.)
By Valur Þór, at
21/12/08 16:38
Valur: Fyrsta regla alheimsins. Fólk kaupir ekki peysur sem kosta yfir tvo tugi þúsunda.
Þess utan hefði ég nú bara splæst í eina bleika og mjúka. Mér finnst hún hið minnsta hljóma kósý.
By ErlaHlyns, at
23/12/08 02:35
Kaupir maður ekki peysu á 20.000 kall? Hérna er ein hugguleg á $800. Peysan kostaði kanínurnar eitthvað en þaðan kemur efnið.
http://www.angoraknit.com/servlet/-strse-115/Larger-Men%27s-angora-sweater/Detail
og ein önnur:
http://www.angoraknit.com/servlet/-strse-46/Men%27s-angora-sweater/Detail
By Valur Þór, at
29/12/08 15:27
Fimm ára dóttir vinar míns á framtíðina fyrir sér sem fréttalesari.
2 álit:
ekki vantar nú krúttfaktorinn:)
By baun, at
18/12/08 22:11
Þessi stelpa er yndisleg. Hún heldur reglulega heilu leikritin fyrir heimilisgesti, og leikur þar sjálf öll hlutverkin.
By ErlaHlyns, at
19/12/08 00:24
Myndir af kápunni sýna þó fegurðina alls ekki nógu vel því á henni er upphleypt glitrandi mynstur sem sést alls ekki nema vel sé gáð.
Ég deildi með félaga mínum sem hefur reynslu af því að dæma bækur frá því hversu heilluð ég varð. Hann sagði mér þá frá því þegar hann eitt sinn las bók með undurfagurinn kápu. Þegar hann settist niður til að skrifa dóminn, með bókina fyrir framan sig, truflaði kápan hreinlega einbeitinguna. Hann gat ekki annað en fyllst óstjórnlegri gleði og langaði mest að gefa bókinni fimm stjörnur.
Til að fara að öllu með varúð ákvað hann að taka kápuna, sem var laus, utan af bókinni. Snarlega var hún alls ekki jafn spennandi, og hann gat skrifað raunsæjan dóm.
1 álit:
Búin með bókina, sem er hryllilega ljót. Ljót, þannig að hún situr föst í höfðinu og krefst þess að vera lesin af fleirum.
Og höfundurinn. Hann á sama afmælisdag og ég.
By ErlaHlyns, at
14/12/08 12:06
Og allt lækkar þetta í kjölfar þess að Bjarni Benediktsson lætur af stjórnarformennsku.
1 álit:
Nýjasta slúðrið er síðan auðvitað að þetta sé allt vegna þess að N1 sé að fara á hausinn. Sel það ekki dýrara en ég keypti það.
By ErlaHlyns, at
11/12/08 20:24
Ég stóðst hins vegar ekki þá freistingu að skrifa óformlgan bókardóm hér á bloggið um eina þeirra sem kom út fyrir langa löngu, nefnilega Pollýönnu.
Sannkallaður gleðigjafi
„Sagan af telpunni sem kom öllum í gott skap“ er algjör skyldulesning fyrir unga sem aldna. Sjaldan ef nokkurn tíman hefur boðskapur Pollýönnu átt jafn vel við. Hópuppsagnir, vaxandi verðbólga og hækkandi matvælaverð eru ekki beinlínis hressandi í jólamánuðinum. Og þá er gott að geta hlýjað sér við söguna af freknóttu stelpunni sem gat brætt jafnvel köldustu hjörtu.
Pollýanna kom fyrst út í Bandaríkjunum árið 1913. Tæpri öld síðar á boðskapur hennar jafn vel við.
Pollýanna er aðeins ellefu ára gömul þegar hún verður munaðarlaus og flytur til Pollýar frænku sinnar sem er heldur skapstygg. Gleði og jákvæðni Pollýönnu smita þó út frá sér og Pollý, jafnt sem helsti skarfur bæjarins, taka ástfóstri við hana og læra að líta lífið nýjum augum.
Sagan af Pollýönnu kom fyrst út í íslenskri þýðingu Freysteins Gunnarssonar árið og er þetta í sjötta sinn sem þýðing hans er gefin út. Skemmtilegt er að í þessari endurútgáfu hafa síðurnar úr útgáfu Bókfells frá 1966 verið skannaðar inn. Því er svolítið gamaldags yfirbragð yfir blaðsíðunum eins og er það vel.
Þó ég hafi lesið mikið sem barn varð Pollýanna aldrei á vegi mínum þó ég hafi vitanlega alltaf tengt nafn hennar við björtu hliðarnar. En þó ég lesi fyrst um hana nú, komin á fertugsaldurinn, heillaðist ég af barnslegri einlægni hennar og fletti spennt frá einni síðunni yfir á þá næstu til að komast að því hvern Pollýana myndi gleðja næst.
Ég hreinlega krefst þess að ríkisstjórnin sjái til þess að koma Pollýönnu inn á hvert heimili
