| 17. júl. 2006 |
| Af þvagskálum |
Blaðið kom inn um lúguna eftir hádegið í dag sem aðra daga.
Á blaðsíðu 4 er spennandi frétt með fyrirsögninni: Þvagskálar í munnlíki ekki við hæfi, og er þar fjallað um að þurfti hafi að fjarlægja slíkar skálar af McDonalds stað í Hollandi. Með fréttinni er mynd af hefðbundinni þvagskál.
Á blaðsíðu 11 má síðan lesa fyrirsögnina: Undarlegt mannslát rannsakað. Með fréttinni fylgir sama mynd og áður, nema hvað að myndatextinn er: Frá Manchester í Englandi.
Nú þykir mér auðvitað mjög áhugavert að vita hvernig þvagskálarnar í Manchester eru þó ég sjái ekki bein tengsl við fréttina. Einnig velti ég fyrir mér að fyrst þessi tiltekna þvagskál er í Manchester, hvort ekki hefði verið meira viðeigandi að birta mynd af hollenskri þvagskál með hinni fréttinni. Auðvitað getur verið að þessi sama tegund sé algeng bæði þar og í Englandi. Ég skoðaði mitt klósett áðan og sá að það ber nafnið Sphinx. Nú getur vel verið að það væri alls ekki boðlegt í Hollandi. Þó er ekki hægt að sjá tegundarheiti þvagskálarinnar á myndinni. Kannski hægt sé að hafa samband við Blaðið og fá að vita hvernig liggur í þessu. |
| posted by ErlaHlyns @ 17:50 |
|
|
|
|
| Hér skrifar: |
|
Erla Hlynsdóttir
Móðir, kona, meyja og allt það
|
| Nýjustu færslur: |
|
| Lífið: |
|
„Well behaved women seldom make history“
- Laurel Thatcher Ulrich |
| Tenglar: |
|
|
| Orð: |
|
Þegar ég byrjaði að blogga fyrir um áratug nefndi ég bloggið mitt: „Hugleiðingar ungrar konu í leit að framtíð.“
Nú er ég orðin eldri og framtíðin skýrari. Það sem eftir stendur eru því: „Hugleiðingar konu.“
erlahlyns hjá gmail púnktur is
|
 |
|
