| 7. des. 2007 |
| Fréttir á pólsku |
Sú nýbreytni DV að birta á þriðjudag pistil á pólsku hefur ekki farið hátt.
Þar setti Baldur Guðmundsson blaðamaður hugleiðingar sínar á blað um stöðu pólverja í íslensku samfélagi. Hann talaði um hvernig örfá skemmd epli geta eyðilagt fyrir hinum.
Það virðist færast ískyggilega í vöxt að fólk segi næsta víst að um innflytjendur sé að ræða ef fregnir heyrast af nauðgunum eða þjófnaði.
Í pistlinum óskaði Baldur eftir vikulegum fréttatíma Ríkisútvarpsins á pólsku en pólverjar eru fjölmennasti hópur innflytjenda hér á landi.
Íslenska þýðingu pistilsins má lesa í helgarblaði DV.
Baldur tekur dæmi af því ef hann sjálfur flytti til Póllands. Hann myndi sækja tungumálanámskeið og gera sitt besta til að aðlagast samfélaginu. Það myndi þó taka tíma og telur að fréttir á íslensku af pólsku samfélagi myndu gera honum auðveldara fyrir.
Ég tek heilshugar undir þessar hugleiðingar Baldurs og hreinlega dáist að hugmyndauðgi hans. Aldrei hefði mér dottið í hug að skrifa pistil á útlensku í blaðið. |
| posted by ErlaHlyns @ 22:28 |
|
|
|
|
| Hér skrifar: |
|
Erla Hlynsdóttir
Móðir, kona, meyja og allt það
|
| Nýjustu færslur: |
|
| Lífið: |
|
„Well behaved women seldom make history“
- Laurel Thatcher Ulrich |
| Tenglar: |
|
|
| Orð: |
|
Þegar ég byrjaði að blogga fyrir um áratug nefndi ég bloggið mitt: „Hugleiðingar ungrar konu í leit að framtíð.“
Nú er ég orðin eldri og framtíðin skýrari. Það sem eftir stendur eru því: „Hugleiðingar konu.“
erlahlyns hjá gmail púnktur is
|
 |
|
