| 27. mar. 2006 |
| Þotuliðið |
Ég hef lengi beðið eftir því að geta montað mig af því að þekkja frægar kvikmyndastjörnur. Ég þekki nokkra þeirra leikara sem birtast í myndinn sem gerð er eftir bók Arnalds, Mýrinni.
Til að ná alvöru frama þurfa leikarar helst að vera fallegir og ég get alveg fullyrt að hann Caleb er sætastur í þessum leikarahópi. Ég var mest hrifin af honum þegar ég heimsótti miðbæjarrotturnar á Hverfisgötunni. Caleb er reyndar orðinn svolítið gamall og spilaði það líklega inn í hversu vel mér tókst að halda honum hjá mér. Hinar rotturnar reyndu alltaf að skríða í burtu, mér til mikillar mæðu.
Áhugasömum tilkynni ég að það er því miður búið að taka fyrir innflutning á þessum krúttum. Landlæknir tók vel í það til að byrja með að fá rottur til landsins. Síðan þá hafa tveir aðilar tekið sig til og selt ættbókafærðar rottur. Allt í einu skipti landlæknir síðan um skoðun og nú má ekki lengur koma með rottur frá útlöndum.
Annars má nefna að kvenkyns rottur eru frjóar á um 4ra daga fresti og geta þær því fjölgað sér afar fljótt ef þær eru að dunda sér í holræsunum. |
| posted by ErlaHlyns @ 11:17 |
|
|
|
|
| Hér skrifar: |
|
Erla Hlynsdóttir
Móðir, kona, meyja og allt það
|
| Nýjustu færslur: |
|
| Lífið: |
|
„Well behaved women seldom make history“
- Laurel Thatcher Ulrich |
| Tenglar: |
|
|
| Orð: |
|
Þegar ég byrjaði að blogga fyrir um áratug nefndi ég bloggið mitt: „Hugleiðingar ungrar konu í leit að framtíð.“
Nú er ég orðin eldri og framtíðin skýrari. Það sem eftir stendur eru því: „Hugleiðingar konu.“
erlahlyns hjá gmail púnktur is
|
 |
|
