| 26. feb. 2006 |
| Óþarfi hinn mesti |
Pabbi á bráðum afmæli. Því fór ég í dag á bókamarkaðinn í Perlunni í leit að afmælisgjöf. Á einum rekkanum sýndust mér vera bækur við hæfi pabba. Ég hafði rétt fyrir mér. Þar fann ég tvær bækur sem hann hafði sjálfur skrifað. Mér datt í hug að það væri nú ansi fyndið að gefa honum bók eftir sjálfan sig. Við nánari umhugsun varð mér ljóst að ég hef ekki efni á svo dýrum húmor.
Húmor fyrir minn efnahag er til dæmis að gefa útrunna boðsmiða í bíó. Mér fannst ég afar fyndin þegar ég gerði það. Sérstaklega því ég skrifaði miða með þar sem stóð skýrum stöfum að miðarnir væru ekki lengur í gildi en það væri hugurinn sem gilti. Öðrum fannst ég misfyndin.
Ef þig vantar hugmyndir að óþörfum og tilgangslausum gjöfum þá get ég verið þér innan handar. |
| posted by ErlaHlyns @ 18:16 |
|
|
|
|
| Hér skrifar: |
|
Erla Hlynsdóttir
Móðir, kona, meyja og allt það
|
| Nýjustu færslur: |
|
| Lífið: |
|
„Well behaved women seldom make history“
- Laurel Thatcher Ulrich |
| Tenglar: |
|
|
| Orð: |
|
Þegar ég byrjaði að blogga fyrir um áratug nefndi ég bloggið mitt: „Hugleiðingar ungrar konu í leit að framtíð.“
Nú er ég orðin eldri og framtíðin skýrari. Það sem eftir stendur eru því: „Hugleiðingar konu.“
erlahlyns hjá gmail púnktur is
|
 |
|
