| 26. sep. 2006 |
| Svindl |
Hérna um árið var auglýst að allir gætu fengið e-kort. Um það leyti sá ég lesendabréf í Mogganum frá manni sem var hafnað hjá Sparisjóðunum því hann átti engar eignir. Ég, sem átti engar eignir og hafði ekkert að gera við e-kort, ákvað að sækja um, einungis svo ég gæti sagt við þá þegar þeir höfnuðu mér: Hey, þið sögðuð að allir gætu fengið kort!
Ég var nánast tilbúin með skammarbréfið þegar, mér að óvörum, ég fékk e-kort í póstinum. Mitt fyrsta og eina kreditkort fékk ég því eiginlega óvart. Auðvitað stóðst ég ekki þá freistingu að vera með gervipeninga í vasanum og skulda Sparisjóðnum nú tugi þúsunda.
En nú er kominn nýr svokallaður netklúbbur, Núið, þar sem fólki er lofað vinningum með líkunum 1 á móti 5 fyrir það eitt að smella á kassa. Mér fannst þetta harla ótrúlegar líkur svo ég skráði mig. Í dag vann ég svo auðvitað, nema hvað að þessi svokallaði vinningur er afsláttur. Ég get núna farið og borðað á Carpe Diem og borgað aðeins fyrir dýrari réttinn. Ég vil ekkert fá 2 fyrir 1 - ég vil 2 fyrir núll. |
| posted by ErlaHlyns @ 12:35 |
|
|
|
|
| Hér skrifar: |
|
Erla Hlynsdóttir
Móðir, kona, meyja og allt það
|
| Nýjustu færslur: |
|
| Lífið: |
|
„Well behaved women seldom make history“
- Laurel Thatcher Ulrich |
| Tenglar: |
|
|
| Orð: |
|
Þegar ég byrjaði að blogga fyrir um áratug nefndi ég bloggið mitt: „Hugleiðingar ungrar konu í leit að framtíð.“
Nú er ég orðin eldri og framtíðin skýrari. Það sem eftir stendur eru því: „Hugleiðingar konu.“
erlahlyns hjá gmail púnktur is
|
 |
|
