Mér finnst þessi mynd ótrúlega merkileg og finnst ljósmyndarinn þarna ná að fanga einstakt augnablik.
Ég er konan sem langar að hringja í Barnaverndarnefnd ef ég sé ólétta konu reykja (jú, hef séð það).
En þarna sé ég fegurð.
Móðirin hefur fyrir því að halda á barninu á þennan hátt og gefa því brjóst, jafnvel þó hún sé úti á götu að ganga. Þetta hlýtur að vera í hæsta máta bæði erfitt og óþægilegt, en hún lætur sig hafa það. Því hún elskar barnið og vill það sem er því fyrir bestu, ímynda ég mér.
Ég ímynda mér líka að hún sé fátæk og ómenntuð og sé hreinlega ekki meðvituð um hversu svívirðilegt það er að reykja ofan í ungbarn, svo ég tali nú ekki um að reykja ofan í eigin brjóstamjólkurframleiðslu.
Ég ímynda mér að hún viti ekki hvað hún gjörir, jafnvel þó árið sé 2010. (Fyrst hélt ég reyndar að þetta væri margra áratuga gömul mynd).
Nafni myndarinnar sleppti ég viljandi í færslunni.
Myndin heitir: Sígaunamóðir með barn.
Þarna er eitthvað, ekki eins og það
á að vera!