Ég lofaði aldrei að þetta yrði vitrænasta blogg í heimi. Ég skil samt auðvitað þá sem búast við slíku af mér. En...
Þar sem ég hef aldrei fengið jafn mikið af kommentum eins og þegar ég birti síðustu skómynd kemur hér önnur mynd af öðrum nýjum skóm: Ég var lengi búin að leita að nákvæmlega svona skóm: Með gönguskóreimum og stöðugum hæl sem hentar fyrir veturinn. Reyndar fann ég eina aðra sem voru með grófari vetrarsóla en þeir voru uppseldir í minni stærð. Þessir eru líka hvort eð er fallegri.
Og já. Þessa skó fékk ég líka í afmælisgjöf. Síðbúna afmælisgjöf.
Já. Mig bráðvantaði skó.
Ég tek fram að ég hef aldrei verið svona skókona. Yfirleitt hef ég keypt eina skó og gengið í þeim þar til þeir dóu. Við afar sérstök tilefni fór ég síðan í einhverna afar fína spariskó sem ég gat varla gengið á.
Skókonan er bara að fæðast núna. Ég er greinilega svolítið seinþroska.Efnisorð: skór |
